Om oss
Vaksdal Næringsselskap jobbar for å utvikla næringslivet i Vaksdal, auka verdiskapinga og styrka kommunen for framtida. Me er ein uavhengig organisasjon som støttar både nye og vel etablerte verksemder.
Me har tett samspel med Vaksdal kommune, som har det overordna ansvaret for rammevilkår og forvaltning, nedfelt i Strategisk næringsplan for Vaksdal. Vaksdal Næringsselskap bidreg til å omsetja planen til handling, i tett dialog med næringslivet. Kommunen eig 67,9% av aksjane til selskapet, medan det lokale næringslivet i Vaksdal eig 32,1%. Total aksjebehaldning er 891 aksjar.
Dokument og openheit VNS:
Spørsmål om innsyn kan sendast til info@vnsas.no
Dagleg leiar
Dagleg leiar har ansvar for den kontinuerlege drifta, oppfølging av bedrifter og samarbeid med kommune og andre aktørar lokalt og regionalt. Dagleg leiar er oftast fyrste kontaktpunkt for bedrifter som ynskjer støtte frå oss.
Sidan 2023 har Jørgen Lie Kjøndal vore dagleg leiar. Han er ein engasjert og jordnær samtalepartnar som vaks opp i kommunen, og slik kjenner forholda ekstra godt. Med kontorplass på Heradshuset på Dale er det kort veg til der beslutningar skjer. Du kontaktar Jørgen her
Styret
Medan den daglege kontakten skjer gjennom Jørgen, har styret i Vaksdal Næringsselskap ansvar for den overordna retninga til selskapet. Styret har representantar med ulik bakgrunn og kompetanse frå næringslivet og lokalsamfunnet, og er samansett slik:
Ståle Hesjedal, styreleiar
Erlend Hesjedal-Johannessen, styremedlem
Ivar Bergo, styremedlem
Tobby Sander Tomassen, styremedlem
Amalie Johnsen Lunde, styremedlem
Aktørar me samarbeider med
Næringsutvikling i Vaksdal skjer i samarbeid med fleire aktørar, blant anna desse:
Vaksdal kommunale næringsfond er ei støtteordning som gjev økonomisk hjelp til næringsprosjekt og etableringar. Fondet blir forvalta av kommunen.
Næringsrådet i Vaksdal skal vera eit rådgjevande organ sett saman av bedriftseigarar, som gjev innspel til kommunen i saker som gjeld næringsutvikling.
Etablerersenteret i Bergen, der personar som vil starta bedrift kan få best mogleg hjelp i oppstartsfasen. VNS fungerer som førstelinjeteneste for gründarar i Vaksdal, medan Etablerersenteret kan bistå med kurs, rådgjeving og andre verktøy for å få verksemda i gang.
Næringsalliansen Vestland, der me er ein av fleire aktørar som går saman for å kjempe Vestlandet sine saker, med tett oppfølging regionalt og nasjonalt.
“Me har ulike roller, men same mål; eit sterkt og framtidsretta næringsliv i Vaksdal”.